බෞද්ධ ස්තූපයෙහි ප්‍රභවය සහ විකාශය

Bauddha Stupayehi Prabhawaya saha Wikashaya, බුදුදහමේ ව්‍යාප්තියත්‌ සමඟ මෙම ස්තූප කර්මාන්තය තායිලන්තය, බුරුමය සහ කාම්බෝජය වැනි අග්නිදිග ආසියාතික රටවලත්‌ චීනය සහ ජපානය වැනි ඈත පෙරදිග රටවලත්‌ ලංකාවෙහිදී මෙන්ම ඉතා හොඳින්‌ ව්‍යාප්ත වූ බව දක්නට ලැබේ. මෙවැනි විවිධ රටවලදී පමණක්‌ නොව එකම රට තුළදීත්‌ බෞද්ධ ස්තූපය විකාශයට පත්වූ බව දක්නට ලැබේ. එබැවින්‌ සෑම්‌ බෞද්ධ රටකම වාගේ පචත්නා ස්තූප කෙරෙහි අවධානය යොමුකිරීම වෙනුවට, පැරණි ඉන්දියාවේ හා ලංකාවේ ස්තූපවලට ප්‍රධාන තැනක්‌ දී දකුණු ආසියාවේ බෞද්ධ ස්තූපයෙහි ප්‍රභවය හා විකාශය කෙරෙහි පමණක්‌ මෙම ග්‍රන්ථයෙහිදී මූලික වශයෙන්‌ අවධානය යොමු කොට තිබේ. බෞද්ධ ස්තූපයෙහි ප්‍රභවය, ඉන්දියානු ස්තූප කර්මාන්තයෙහි ඉතිහාසය, ලංකාවේ ස්තූපවල ඉතිහාසය, පැරණි අවධියට අයත්‌ වචන එම ස්තූපවල ආකෘතිය ගැන සහ ඒවා ඉදිකිරීම හා සම්බන්ධ ශිල්පී න්‍යාය යන අංශ කෙරෙහි පමණක්‌ මෙහි විශේෂ අවධානයක්‌ යොමු කොට තිබේ. බෞද්ධ ස්තූපයක ඇතුළත්‌ වන ප්‍රධානාංග සියල්ලම මෙහි සාකච්ඡාවට භාජනය කොට ඇත.