පැරණි ග්‍රීක මූර්ති කලාව

වෙනත් කෘතිවලින්‌ ලබාගත්‌ චිත්‍ර කිහිපයක්‌ හැරෙන්නට මෙම කෘතියේ අඩංගු අනෙක්‌ චිත්‍ර සියල්ල ග්‍රීසිය, මිසරය, රෝමය, එංගලන්තය සහ ජර්මනිය යන රටවල කෞතුකාගාර සහ ඓතිහාසික ස්ථාන නැරඹීමට ගිය අවස්ථාවන්හි දී ලබාගත්‌ ඒවා ය. එම ප්‍රතිමා අතර ලිබියාවේ ට්‍රිපොලි නගරයේ කෞතුකාගාරයේ පිහිටි රූමත් දෙවඟනන්‌ තිදෙනාගේ ප්‍රතිමාව (The Three Graces) සුවිශේෂ නිර්මාණයකි. උසස්‌ කලා කෘති ලෙස ග්‍රීසියේ නිර්මාණය වුණු මෙම මූර්ති පිළිබඳ අපේ රට තුළ විශේෂ අවධානයක්‌ යොමු වූයේ පේරාදෙණිය විශ්වවිද්‍යාලය කලා විෂයයන්‌ අතරට ලලිත කලා විෂය එක්‌ කිරීමෙන්‌ පසුවය.