ළමා චර්යා සහ රූපවාහිනී කාටුන්

විසිවන සියවසේ මානව සංස්කෘතියට එක් වූ ඉතාම ප්‍රබල මාධ්‍යය රූපවාහිනිය වන අතර ඊට පෙර පැවැති බොහෝ මාධ්‍යයන් මානව සමාජයේ විවිධ පැතිකඩ කෙරෙහි විවිධාකාරයට සහ විවිධ මට්ටමේ බලපෑම් කරන ලද බව ප්‍රකට ය. නමුත් රූපවාහිනී මාධ්‍යයේ විශේෂත්වය වූයේ එය සම්ප්‍රදායික මාධ්‍යයක් සේ බලපෑමට සීමා නොවී එය මානව මතය පරිණාමය කිරීමේ ප්‍රබල මාධ්‍යයක් බවට පත්වීමයි. මේ බව අනාවරණය වන “ළමා චර්යා සහ රූපවාහිනි කාටුන්” නම් කෘතිය මගින් විස්තර කෙරෙන සම්මත ළමා පරපුර වෙත රූපවාහිනි කාටුන්වල බලපෑම් සාකච්ඡාවට භාජනය කිරීම පිළිබඳව වන අතර මෙහි කතුවරිය ළමා අදහස්, සිතුවිලි, සංවේදක, හැඟීම්, ආකල්ප, දැනුම සහ චර්යා රටා කෙරෙහි රූපවාහිනී බලපෑම බහුශික්ෂණමය ප්‍රවේශයක් ඔස්සේ සාකච්ඡාවට ලක් කර තිබේ.