ශ්‍රී වික්‍රම රාජසිංහ චරිතය හෙවත් උඩරට පුරාණ මුලාදෑනින්ගේ ලේකම්මිටිය

රාජසිංහ රජුගේ පාලන කාලය තුල සිදුවී ඇති සමස්ත ක්‍රියාවලිය හා සම්බන්ධ සිදුවීම් පෙළ පිළිබඳව පමණක් නොව එකල පැවති විවිධ ආයතන ගණනාවක් ගැන මෙන්ම ඒවායේ ක්‍රියාකාරිත්වය පිළිබඳව විස්තර කොට තිබෙන “ශ්‍රී වික්‍රම රාජසිංහ චරිතය හෙවත් උඩරට පුරාණ මුලාදෑනීන්ගේ ලේකම් මිටිය” නමින් නම් කොට ඇති ඓතිහාසික වශයෙන් ඉතා ඉහළ වටිනාකමකින් යුක්ත පුස්කොළ පොතක් පේරාදෙණිය විශ්ව විද්‍යාලයීය ප්‍රධාන පුස්තකාලයෙහි තැන්පත් කොට ඇත. තවමත් අමුද්‍රිත තත්ත්වයේ ඇති පුස්කොළ පොතක් වන බැවින් මෙය කිසිදු පර්යේෂකයකුගේ හෝ අවධානයට ප්‍රමාණවත් අන්දමින් ලක් වී නැති අප්‍රකට මූලාශ්‍රයක් වශයෙන් පවත්නා එකක් බව පෙනෙයි. එබැවින් එම කාල පරිච්ඡේද සිදුවී ඇති වැදගත් සිද්ධීන් සමූහය ගැන අගනා විස්තරයක් ලබා දෙන මෙම පුස්කොළ පොතෙහි පෙළ අලළා මෙම කෘතිය සකස් කොට තිබේ.