උඩරට ගිවිසුම්පත සහ ශ්‍රී වික්‍රම රාජසිංහ චරිතය

උඩරට ගිවිසුමත්, මහනුවර රාජධානියෙහි අවසන් පාලකයා සිරකරුවෙකු වශයෙන් කොළඹට රැගෙන ඒමත්, කෙටි කලකට පසුව එතුමා සහ රජ පවුලේ උදවිය දකුණු ඉන්දියාවේ වෙල්ලෝරයට සිරකරුවන් පිරිසක් ලෙස පිටුවහල් කොට යැවීමත්, ඔවුන් කොන්වෝලිස් නෞකාවේ යන අතරතුර දී සිදුවී ඇති වැදගත් සිද්ධීන් සමූහයත්, එම මුහුදු ගමනේදී රජු විසින් කරන කියන ලද දෑ පමණක් නොව අවසානයෙහි ඔහු වෙල්ලෝරයේදි මිය පරලොව ගොස් ඇති ආකාරයත් විස්තර කොට තිබෙන – උඩරට ගිවිසුම් පත සහ ශ්‍රී වික්‍රම රාජසිංහ – නමින් නම් කොට ඇති පේරාදෙණිය විශ්ව විද්‍යාලයීය ප්‍රධාන පුස්තකාලයෙහි හොඳින් ආරක්ෂා වී තිබෙන ඓතිහාසික වශයෙන් ඉතා ඉහළ වටිනාකමකින් යුක්ත පුස්කොළ පොතක් ඇත. අමුද්‍රිත පුස්කොළ පොතක් වශයෙන් තිබෙන බැවින් කිසිදු පර්යේෂණයට ලක් වී නැති මෙය තවමත් අප්‍රකට මූලාශ්‍රයක් ලෙස පවත්නා බැවින් මෙම පුස්කොළ පොතෙහි පෙළ අළලා මෙම කෘතිය සකස් කොට ඇත.