Description
වර්ණවලට මහත් සංකේතාත්මක බලයක් ඇත. නූතන ලෝකයේ බොහෝ වර්ණ තුළ පුරාණ සංජානන අර්ථ රඳා ගෙන ඇත. මානව විද්‍යාවේ වර්ණ සංකේතවාදය විවිධ සංස්කෘතීන්හි වර්ණය සංකේත භාවිත කිරීම මත පදනම් වෙයි. විවිධ සංස්කෘතික විවිධත්වයක් තුළ වර්ණ හා ඒවායේ සම්බන්ධකම් වල ද විවිධත්වයක් පවතී. සාමාන්‍යයෙන් වර්ණ සිතුවිලි වූ අදහසක් සඳහා නිශ්චිත සමාජ ශික්ෂාවක් තිබේ. වර්ණ අර්ථ සමාජයේ සීමා මායිම් ඉක්මවා යන අර්ථ නොවෙයි. වර්ණ සන්නිවේදනය පිළිබඳ පර්යේෂණ සීමිත වේ. මේ ග්‍රන්ථය වර්ණ අර්ථ පිළිබඳ අවබෝධය අනාවරණය කිරීම සහ වර්ණ සන්නිවේදනය තේරුම් ගැනීමේ විකල්ප අදහසක් ඉදිරිපත් කරයි. දේශීය වර්ණ හා සංඥාර්ථ අතර සංස්කෘතික හා ප්‍රපංච විද්‍යාත්මක ප්‍රවේශයකින් ලියන පුරෝගාමී ශාස්ත්‍රීය අධ්‍යයනයක් ලෙස වර්ණ හා සංඥාර්ථ කෘතිය මෙරට නිර්මාණශීලී කලා ගවේෂකයින්ට මහත් අනුබලයක් සපයනු නො අනුමානය.
