උද්භිද නාම ප්‍රදීපිකා

ශාස්ත්‍රපති රාජකීය පණ්ඩිත පූජ්‍ය තිස්මඩ නන්දාරාම හිමියන්ගේ උද්භිද නාම ප්‍රදීපිකාව විසිවන සියවසේ සිංහල සාහිත්‍යයට එක් වූ විශිෂ්ට පර්යේෂණ නිබන්ධනයකි. චිරන්තන සාහිත්‍ය කෘතීන් පැණුනු සියලු උද්භිද නාම අකාරාදීගතව සංග්‍රහ කෙරෙමින් ඒ ඒ නාමය යෙදුණු ස්ථානය නිශ්චිතව සඳහන් කෙරෙන කෝෂ ග්‍රන්ථයක් වන මෙහි එකී නාමයන්හි පර්යාය නූතන සිංහල රූප මෙන්ම පාලි, සංස්කෘත හා දෙමළ රූපද, උද්භිද විද්‍යාත්මක නාම ද අනුපිළිවෙළින් දක්වා තිබේ. කතු හිමියන් විසින් කැලණි විශ්වවිද්‍යාලයට ඉදිරිපත් කරන ලද ශාස්ත්‍රපති උපාධි නිබන්ධනයෙහි සංශෝධිත හා අභිවෘද්ධි සංස්කරණයක් වන මෙය චිරන්තන සාහිත්‍ය හා ආයුර්වේදය හදාරන්නන්ට මෙන්ම උද්භිද විද්‍යා හා පරිසර විද්‍යා විද්‍යාර්ථීන්ට ද මහත් වැඩදායක මූලාශ්‍රයකි.